नापी कार्यालय कपिलवस्तुका सर्वेक्षक ३५ हजार घुससहित पक्राउ
काठमाडौं : नापी कार्यालय कपिलवस्कतु चन्द्रौटाका सर्वेक्षक बेचनप्रसाद गुप्ता घुस रकमसहित पक्राउ परेका छन् । अख्तियार दुरुपयोग अनुसन्धान आयोग बुटवलले गुप्तालाई ३५ हजार रुपैयाँ घुससहित पक्राउ गरेको हो ।
जग्गा कित्ताकाट गर्ने प्रयोजनार्थ सेवाग्राहीसँग घुस लिइसकेको अवस्थामा गुप्तालाई पक्राउ गरिएको अख्तियारले जनाएको छ । गुप्ताको साथबाट सेवाग्राहीबाट लिएको ३५ हजार र स्रोत नखुलेको ५० हजार रुपैयाँ बरामद गरिएको अख्तियारले बताएको छ ।
अख्तियारले गुप्तालाई नियन्त्रणमा लिइ थप अनुसन्धान भइरहेको जानकारी दिएको छ ।
प्रकाशित मिति: शुक्रबार, जेठ २५, २०८१ १९:२०
प्रतिक्रिया दिनुहोस्
थप विशेष
-1722404980.jpg)
साताको लोकप्रीय
