बझाङमा विपद् उद्धारको नमुना अभ्यासका क्रममा सशस्त्र जवानको मृत्यु
बझाङ : बझाङमा प्राकृतिक विपद्का बेलामा गरिने उद्धारको नमुना अभ्यास गर्ने क्रममा बेहोस भएका एक जना सशस्त्र प्रहरी जवानको मृत्यु भएको छ ।
सोमबार बिहान अभ्यासका क्रममा केदास्यु गाउँपालिका–७ का २९ वर्षीय नरेन्द्रसिंह धामीको मृत्यु भएको जिल्ला प्रहरी कार्यालय बझाङले जानकारी दिएको छ ।
जयपृथ्वीबहादुर नगरपालिका स्थित सेती नदीमा नेपाली सेनाको वीरभद्रजंग गुल्म नजिकै प्राकृतिक विपद् उद्धारसम्बन्धी नमुना अभ्यास गर्ने क्रममा धामी बेहोस भएका थिए ।
बेहोस भएपछि उनलाई उपचारका लागि अस्पताल लगिएको थियो । तर चिकित्सकले उनलाई मृत घोषणा गरेको प्रहरीले बताएको छ ।
बाढी र त्यसले पार्ने क्षति न्यूनीकरण गर्न देखाउन लागिएको कृत्रिम अभ्यास (सिमुलेसन) गर्दा गर्दै उनी डुबेर बेहोस भएका थिए । धामी सशस्त्र प्रहरीको अनआश्रित गुल्म बझाङमा कार्यरत थिए ।
प्रकाशित मिति: सोमबार, जेठ २८, २०८१ १३:२२
प्रतिक्रिया दिनुहोस्
थप विशेष
-1722404980.jpg)
साताको लोकप्रीय
