काठमाडौं : अभिनेता पल शाहको निर्देशन रहेको नयाँ म्युजिक भिडियो सार्वजनिक भएको छ । पलकै अभिनय रहेको ‘मैले भन्दा माया’ बोलको म्युजिक भिडियो शुक्रबार सार्वजनिक भएको हो । उक्त म्युजिक भिडियो अभिनेता पलकै अफिसियल युट्युब च्यानलबाट सार्वजनिक गरिएको छ ।

युवराज चौलागाईंको शब्द रहेको गीतका शब्द चन्द्रज्योति आलेले कोरेका हुन् । राजकुमार बगारको संगीत रहेको गीतको एरेन्ज राजु कार्कीले गरेका हुन् । म्युजिक भिडियोमा अभिनेता पलसँगै अन्जना पुन मगरको अभिनय देख्न सकिन्छ । 

दिनेश पराजुलीको छायाँकन रहेको म्युजिक भिडियो अमित कुमार चन्द र विशाल कार्कीले निर्माण गरेका हुन् । मिलन विश्वकर्माको सम्पादन र कलर रहेको उक्त गीत त्रिवेणी डिजिटलमा रेकर्ड गरिएको हो ।