पेट्रोलियम पदार्थको मूल्य बढ्यो
काठमाडौं : नेपाल आयल निगमले पेट्रोलियम पदार्थको मूल्य बढाएको छ । निगमले पेट्रोल प्रतिलिटर २ रुपैयाँ, डिजेल र मट्टितेलमा प्रतिलिटर ५ रुपैयाँ बढाएको हो ।
इण्डियन आयल कर्पोरेशनबाट आइतबारको नयाँ मूल्य अनुसार मूल्य बढाएको निगमले जनाएको छ ।
नयाँ मूल्य पेट्रोलको प्रतिलिटर पहिलो वर्गमा १६४.५०, दोस्रोमा १६६ र तेस्रो वर्गमा १६७ रुपैयाँ पुगेको छ भने डिजेल र मट्टितेलमा पहिलो वर्गमा १५४.५०, दोस्रोमा १५६ र तेस्रोमा १५७ रुपैयाँ पुगेको निगमले जनाएको छ । आइतबार राति १२ बजेदेखि नयाँ मूल्य लागू भएको निमगले जनाएको छ ।
प्रकाशित मिति: आइतबार, असार १६, २०८१ २१:२६
प्रतिक्रिया दिनुहोस्
साताको लोकप्रीय
