कांग्रेस नेता जितेन्द्रनारायण देव एमालेमा प्रवेश
काठमाडौं : नेपाली कांग्रेसका नेता जितेन्द्र नारायण देव नेकपा एमाले प्रवेश गरेका छन् । एमाले पार्टी कार्यालय, च्यासलमा सोमबार आयोजित कार्यक्रममा देवसहितका नेताहरू एमाले प्रवेश गरेका हुन् ।
अध्यक्ष केपी शर्मा ओलीले देवसहितका नेताहरुलाई सोमबार पार्टी कार्यालयमा आयोजित कार्यक्रममा पार्टीमा प्रवेश गराएका हुन् ।
देव कांग्रेसबाट यसअघि राष्ट्रिय सभा सदस्य थिए भने उनी पूर्वसंस्कृति, पर्यटन तथा नागरिक उड्डयन मन्त्री तथा संविधान सभा सदस्य पनि हुन् ।
विजयकुमार गच्छदार नेतृत्वको तत्कालीन फोरम लोकतान्त्रिकबाट देव कांग्रेसमा प्रवेश गरेका थिए । त्यसअघि उनी एमालेबाट मधेसी जनअधिकार फोरममा प्रवेश गरेका थिए ।
प्रकाशित मिति: सोमबार, असार १७, २०८१ १६:४७
प्रतिक्रिया दिनुहोस्
थप राजनीति
साताको लोकप्रीय
