काठमाडौं : काठमाडौं महागरपालिका वडा नम्बर २२ का स्थानीयले फुटपाथ विस्तार गर्न लागेको विरोधमा विरोध गरेका छन् । त्यसक्रममा प्रदर्शनकारीले मेयर बालेन शाहको पुत्ला जलाएका छन् ।

महानगरले न्यूरोड क्षेत्रमा फुटपाथ विस्तार गर्न लागेको विरोधमा उनीहरुले मेयर शाहको पुत्ला जलाएका हुन् । स्थानीयको विरोधका कारण शुक्रबार दिनभर न्यूरोड क्षेत्रको अवस्था तनावपूर्ण बनेको थियो । 

उच्च अदालत, पाटनले फुटपाथ विस्तारको बाटो खोलिदिएपछि महानगरपालिकाले बुधबारदेखि पुनः काम सुरु गरेको थियो । उच्च अदालत पाटनका न्यायाधीश ध्रुवराज नन्द र प्रकाश खरेलको संयुक्त इजलासले न्यूरोडमा फुटपाथ विस्तार रोक्ने गरी डिभिजन सडक कार्यालयले काठमाडौँ महानगरपालिकालाई लेखेको पत्र कार्यान्वयन नगर्न आदेश दिएको थियो । 

शुक्रबार बिहानैबाट काठमाडौँ महानगरपालिकाले फुटपाथ विस्तारको काम थाले पनि स्थानीय र व्यवसायीहरुले विरोध गरेका हुन् ।