सौर्य जहाज दुर्घटना : एयरलाइन्सका क्याप्टेनको सकुशल उद्धार, लगियो अस्पताल
काठमाडौं : त्रिभुवन अन्तर्राष्ट्रिय विमानस्थलमा सौर्य एयरलाइन्सको ९एन–एएमई (सीआरजे २००) जहाज दुर्घटनामा परेको छ ।
यो जहाजले धावनमार्ग छाड्नासाथ भुईमा बजारिएको पाइएको छ । दुर्घटनाग्रस्त जहाज पोखराका लागि उडेको थियो ।
जहाज रनवे ०२ तर्फबाट उडेको र पूर्वतर्फ रनवे २० नजिकै दुर्घटनामा परेको विमानस्थलले जनाएको छ ।
जहाजमा रहेका क्याप्टेन ३७ वर्षीय मनीष शाक्यलाई उद्धार गरेर काठमाडौं मेडिकल कलेज सिनामंगल लगिएको काठमाडौं उपत्यका प्रहरी कार्यालय रानीपोखरीले जानकारी दिएको छ ।
उक्त विमानमा चालक दलका सदस्यसहित १९ जना रहेको बताइएको छ । उद्धार कार्य जारी रहेको छ ।
प्रकाशित मिति: बुधबार, साउन ९, २०८१ १२:०१
प्रतिक्रिया दिनुहोस्
थप विशेष
-1722404980.jpg)
साताको लोकप्रीय
