भ्रष्टाचारको मुद्दामा हदम्याद स्वीकार्य हुँदैन : रास्वपा
काठमाडौं : राष्ट्रिय स्वतन्त्र पार्टी (रास्वपा)ले भ्रष्टाचारको मुद्दामा हदम्याद अस्वीकार्य भएको बताएको छ ।
मंगलबार बसेको पार्टीको संसदीय दलको बैठकले भ्रष्टाचार निवारणसम्बन्धी कानूनमा हदम्याद राख्ने विषय स्वीकार्य नहुने निष्कर्ष निकालेको प्रमुख सचेतक सन्तोष परियारले जानकारी दिए ।
बैठकमा राज्य व्यवस्था समितिमा विचाराधीन भ्रष्टाचार निवारण ऐनलाई संशोधन गर्न बनेको विधेयकबारे भएको छलफलपछि उक्त निष्कर्ष निकालिएको हो ।
भ्रष्टाचारको आशंका हुँदा कुनै पनि बेला छानबिन गरेर मुद्दा चल्न अवस्था हुनुपर्ने रास्वपाको भनाइ छ ।
सरकारले ल्याएको विधेयकमा ५ वर्षे हदम्याद प्रस्ताव गरिएको छ भने कांग्रेसले यसको विरोध गरेको छ ।
यस्तै बैठकले प्रस्तावित जलन सम्बन्धी गैरसरकारी विधेयक अघि बढाउने निर्णय पनि गरेको छ ।
प्रकाशित मिति: मंगलबार, साउन २९, २०८१ १२:१६
प्रतिक्रिया दिनुहोस्
साताको लोकप्रीय
