गठ्ठाघर दुर्घटना : मृतक पुरुषको सनाखत
काठमाडौं : भक्तपुरको गठ्ठाघरमा ट्रकको ठक्करबाट मृत्यु भएका पुरुषको सनाखत भएको छ ।
मृतक ओखलढुंगाको चिसंखुगढी गाउँपालिका–४ घर भएका उत्तम कोइराला रहेको जिल्ला प्रहरी परिसर भक्तपुरले जनाएको छ । करिब ४५ वर्षीय कोइराला काठमाडौँको कपन बस्दै आएका थिए ।
कोइराला सवार बा.४९ प ८९४४ नम्बरको स्कुटरलाई बिहीबार ना.६ ख २१७३ नम्बरको भाडाको ट्रकले ठक्कर दिएको थियो । ठक्कर दिएपछि चालकलाई ट्रकले केही मिटर लछारेको प्रत्यक्षदर्शीहरुले बताएका छन् ।
गठ्ठाघरको दुर्घटना छानबिन गर्न गृहमन्त्री रमेश लेखकले प्रहरी महानिरीक्षक वसन्त कुँवरलाई निर्देशन दिएका छन् ।
प्रकाशित मिति: शुक्रबार, साउन ३२, २०८१ ११:३९
प्रतिक्रिया दिनुहोस्
थप समाचार
साताको लोकप्रीय
-1736085035.jpeg)