भैंसीले मार्यो बाघ !
काठमाडौं : मकवानपुरको मनहरी गाउँपालिकामा बाघ मृत फेला परेको छ । आज बिहान सवा ३ बजे मनहरी गाउँपालिका–६ प्रतापुर बस्ने बलबहादुर राईको गोठमा बाघ मृत फेला परेको हो ।
गोठमा बाँधेको भैंसी घाइते अवस्थामा र भैंसी नजिकै बाघ मृतावस्थामा फेला परेको हो ।
चितवन राष्ट्रिय निकुञ्जको टोलीले घटनास्थलको अवलोकन गरेपछि बाघ बुढो भएका कारण भैंसीले हान्दा मरेको अनुमान गरेको छ ।
निकै दुब्लो र सिकार गर्न नसक्ने अवस्थामा पुगेको उक्त बाघ बिरामीसमेत रहेको पाइएको निक्ञ्जले बताएको छ । बाघ आफैं कमजोर अवस्थामा रहेका कारण भैंसीकै आक्रमणबाट मरेको निकुञ्जको अनुमान छ ।
निकुञ्जले केही दिनदेखि सोही गाउँवरपर डुलिरहेको सो बाघलाई खोजिरहेको भएपनि फेला पारेको थिएन ।
प्रकाशित मिति: बिहीबार, भदौ ६, २०८१ १२:१९
प्रतिक्रिया दिनुहोस्
थप समाचार
साताको लोकप्रीय
-1736085035.jpeg)