काठमाडौं : संघीय मामिला तथा सामान्य प्रशासन मन्त्रालयको संस्थागत क्षमता स्वमूल्यांकनमा धादिङका दुई वटा पालिका उत्कृष्ट भएका छन् ।
नगरपालिकातर्फ धादिङको नीलकण्ठ र गाउँपालिकातर्फ पनि धादिङकै बेनीघाट रोराङ उत्कृष्ट भएका हुन् ।
धादिङको नीलकण्ठ नगरपालिका ९२.५० अंक ल्याएर प्रथम भएको हो भने बेनीघाट रोराङ गाउँपालिका ८७.२५ प्रतिशत अंक ल्याएर पहिलो भएको हो ।
यस्तै नगरपालिकातर्फ रुपन्देहीको तिलोत्तमा दोस्रो र चितवनको रत्ननगर तेस्रो भएका छन् । त्यस्तै गाउँपालिकातर्फ गुल्मीको रुरुक्षेत्र दाेस्राे र सिन्धुपाल्चोकको इन्द्रावती तेस्रो भएका छन् ।
उत्कृष्ट पालिकाहरूलाई मन्त्रालयले सम्मान गरेको छ ।
शासकीय प्रबन्ध, संगठन तथा प्रशासन, वार्षिक योजना तथा बजेट व्यवस्थापन, सार्वजनिक सेवा प्रवाह, न्यायिक कार्यसम्पादन, भौतिक पूर्वाधार, सामाजिक समावेशीकरण, वातावरण संरक्षण तथा र सहकार्य समन्वय स्वमूल्यांकनका विषयगत क्षेत्र हुन् ।
-1736085035.jpeg)