पूजाको प्रसाद खाँदा झापामा ५० जना बिरामी
काठमाडौं : पूजाको प्रसाद खाँदा झापाको अर्जुनधारा नगरपालिकाको वडा नम्बर ९ खरवन्डी गाउँका करिब ५० जना मानिस बिरामी भएका छन् । स्थानीय छत्र निरौलाको घरमा लगाएको पूजाको प्रसाद खाँदा करिब ५० जना स्थानीय बिरामी परेका हुन् ।
पूजा घरमा पुगेर प्रसादका रूपमा सब्जी, रोटी अचार खाएका सबै बिरामी परेको अर्जुनधारा नगरपालिका–९ का वडा अध्यक्ष भीष्म मिश्रले जानकारी दिए । बिरामीहरूको स्थानीय क्लनिकमा उपचार भइरहेको छ ।
बिरामी परेकाहरूमा झाडापखाला, बान्ता, पेट फुल्ने र जरो आउने लक्षण देखा परेको थियो । फुडपोइजनका कारण उनीहरू बिरामी परेको हुनसक्ने स्थानीयको भनाइ छ ।
प्रकाशित मिति: बिहीबार, भदौ २७, २०८१ ११:३७
प्रतिक्रिया दिनुहोस्
साताको लोकप्रीय
-1736085035.jpeg)
