एसिया सिनियर कराते च्याम्पियनसिपमा एरिकालाई ऐतिहासिक रजत पदक
काठमाडौं : २०औं एसिया सिनियर कराते च्याम्पियनसिपमा फाइनलमा भियतनामकी नाओन थि नुयेनसँग पराजित हुँदै नेपालकी एरिका गुरुङ रजत पदकमा सीमित भएकी छिन् ।
चीनको हाङ्जाउमा च्याम्पियनसिपको ६८ केजीमाथि तौल समूहमा एरिकाले प्रतिस्पर्धा गरेकी थिइन् । उनलाई फाइनलमा भियतनामकी नुयेनले ६–० ले पराजित गरिन् ।
एसियन सिनियर च्याम्पियनसिपमा नेपालले पहिलोपटक कुनै पदक जितेको हो ।
एरिकाले प्रि क्वाटरफाइनलमा फिलिपिन्सकी इसाबेल अरियन्ने ब्रिटोलाई ४–० ले पराजित गरेकी थिइन् भने क्वाटरफाइनलमा सोफिया बेरुल्टसेभालाई पाखा लगाएकी थिइन् । एरिका १९औं एसियन गेम्समा उनैसँग पराजित भएकी थिइन् ।
उनले सेमिफाइनलमा थाइल्याण्डकी केवलिन सोङगलिनलाई ८–० ले हराउँदै फाइनलमा स्थान बनाउँदै फाइनल पुगेकी थिइन् ।
प्रकाशित मिति: आइतबार, असोज ६, २०८१ १५:५३
प्रतिक्रिया दिनुहोस्
साताको लोकप्रीय
