श्रम स्वीकृति भएका नेपालीलाई भारतीय विमानस्थलबाट विदेश जाँदा एनओसी नचाहिने
काठमाडौं : श्रम स्वीकृति भएका नेपाली नागरिकलाई भारतीय विमानस्थल प्रयोग गरेर विदेश जाँदा नो अब्जेक्सन सर्टिफिकेट (एनओसी) नचाहिने भएको छ ।
दिल्लीस्थित नेपाली दूतावासले एक सूचना जारी गर्दै सो जानकारी दिएको हो । साउदी अरब, कतार, कुवेत, संयुक्त अरब इमिरेट्स, ओमान, बहराइन, इराक, लिबिया र लेबनान जस्ता देशमा जाँदा एनओसी लिनुपर्ने भएपनि श्रम स्वीकृति लिएका नेपाली नागरिकलाई भने एनओसी आवश्यक नपर्ने दूतावासले सूचनामा उल्लेख गरेको छ ।
दूतावासले नेपाली कूटनीतिक/आधिकारिक/सेवा राहदानी धारकहरू, संयुक्त राष्ट्र संघ लायसेज-पासर (यूएनएलपी) भएका नेपाली नागरिक र १६ वर्षमुनिका नेपाली नाबालिगहरूलाई पनि एनओसी आवश्यक नपर्ने जनाएको छ ।
प्रकाशित मिति: सोमबार, कात्तिक २६, २०८१ १३:४२
प्रतिक्रिया दिनुहोस्
साताको लोकप्रीय
