उपनिर्वाचन पर्यवेक्षण गर्न ९ संस्थाले पाए अनुमति
काठमाडौंः आसन्न स्थानीय तह उपनिर्वाचनमा पर्यवेक्षण गर्न ९ वटा संस्थाले अनुमति पाएका छन् ।
निर्वाचन आयोगले जनप्रशासन सङ्घ, रेडियम लामिछाने स्मृति अध्ययन तथा अनुसन्धान प्रतिष्ठान, नेपाल मानव अधिकार सङ्गठन र सामाजिक परिचालन तथा चेतना अभिवृद्धि समूह नेपाललाई पर्यवेक्षणको अनुमति दिएको छ ।
यस्तै केन्द्रीय बहिरा क्याम्पस, सुशासन महासङ्घ नेपाल, राष्ट्रिय निर्वाचन पर्यवेक्षण समिति, डेमोक्रेसी रिसोर्स सेन्टर नेपाल र अनौपचारिक क्षेत्र सेवा केन्द्रले निर्वाचन पर्यवेक्षणका लागि अनुमति पाएका आयोगकी प्रवक्ता नीता पोखरेल अर्यालले जानकारी दिइन् । एक मतदान केन्द्रमा एक संस्थाबाट बढीमा २ जनासम्म पर्यवेक्षक रहने गरी परिचयपत्र उपलब्ध गराइने आयोगले जनाएको छ ।
प्रकाशित मिति: मंगलबार, मंसिर ४, २०८१ १८:३३
प्रतिक्रिया दिनुहोस्
साताको लोकप्रीय
