काठमाडौं : एसीसी यु–१९ एसिया कपअन्तर्गत श्रीलंकाविरुद्धको खेलमा नेपाल ५५ रनले पराजित भएको छ ।
श्रीलंकाले दिएको २३४ रनको लक्ष्य पछ्याएको नेपालले ४६ ओभरमा ९ विकेट गुमाएर १७८ रन मात्र बनाउन सक्यो ।
नेपालका मायन यादवले सर्वाधिक ६१ रनको योगदान गरे । आकाश त्रिपाठीले १९, अर्जुन कुमालले १२, सन्तोष यादवले ११, नरेन भट्टले १२, रोशन विश्वकर्माले ५, उत्तम मगरले १७, नरेन साउदले १६ रन जोडे। हेमन्त धामी र युनिश ठकुरीले ३/३ रन जोडे।
श्रीलंकाका प्रविन मनिषाले ३, विहास थेवमिका र कुगादास माथुलनले समान २ विकेट झार्दा न्युटन रन्जितकुमार र विरान चामुदिथाले समान १ विकेट लिए ।
यसअघि टस हारेर पहिले ब्याटिङ गरेको श्रीलंकाका लागि शारुजन शानमगनाथनले ६२ र लकविन अबेसिंगेले ५० रनको योगदान गरे । पुलिन्दु पेरेरा २, दुलनिथ २४, विमाथ दिनसारा २४, काविजा गामेजले ३७ रन जोडे पनि अन्यले दोहोरो रन बटुल्न सकेनन् ।
नेपालका लागि सन्तोष यादवले ४ विकेट लए भने युवराज खत्रीले २ र नरेन साउद तथा हेमन्त धामीले समान १-१ विकेट लिए ।
