पूर्वअसईले गरे श्रीमतीको हत्या
कन्चनपुरः कन्चनपुरमा नेपाल प्रहरीका सेवा निवृत्त प्रहरी सहायक निरीक्षक (असई) ले श्रीमतीको हत्या गरेका छन् । जिल्लाको भीमदत्त नगरपालिका–८ तिलाचौरका ४९ वर्षीया नरेन्द्र विष्टले आफ्नी ३० वर्षीया श्रीमती ज्योती विष्टको हत्या गरेका हुन् ।
जिल्ला प्रहरी कार्यालय कन्चनपुरका अनुसार विष्टले शनिबार साँझ घरायसी विवादमा श्रीमती ज्योतीको घाँटी र हातमा धारिलो हतियार प्रहार गरी हत्या गरेका थिए । विष्टलाई पक्राउ गरेर अनुसन्धान भइरहेको प्रहरीले जनाएको छ ।
ज्योती नरेन्द्रकी कान्छी श्रीमती हुन् । जेठी श्रीमतीको निधनपछि विष्टले ज्योतीसँग दुई वर्षअघि बिहे गरेका थिए ।
प्रकाशित मिति: आइतबार, मंसिर १६, २०८१ १२:१८
प्रतिक्रिया दिनुहोस्
थप समाचार
साताको लोकप्रीय
