विराटनगरविरुद्ध काठमाडौंको रोमाञ्चक जित
काठमाडौं : नेपाल प्रिमियर लिग (एनपीएल) मा काठमाडौं गुर्खाजले विराटनगर किंग्सलाई १ विकेटले पराजित गरेको छ ।
विराटनगर किंगसमाथि १ विकेटको रोमाञचक जित हात पारेपछि काठमाडौं गुर्खाजको प्लेअफ पुग्ने झिनो सम्भावना बाँकी रहेको छ ।
लिगको अन्तिम खेल जितेपछि काठमाडौंले ७ खेलबाट ८ अंक जोडेर पाँचौ स्थानमा छ ।
अब सोमबार कर्णाली याक्स सुदूरपश्चिमसँग फराकिलो अन्तरले पराजित भएमा मात्र काठमाडौं शीर्ष चारमा पर्ने सम्भावना हुनेछ ।
टस जितेर काठमाडौंले फिल्डिङ रोजेपछि पहिले ब्याटिङ गरेको विराटनगरले सबै विकेट गुमाउँदै ११७ रन मात्र बनाएको थियो । ११८ रनको लक्ष्य काठमाडौंले १८.१ ओभरमा ९ विकेट गुमाउँदै पूरा गरेको हो ।
प्रकाशित मिति: आइतबार, मंसिर ३०, २०८१ १२:५९
प्रतिक्रिया दिनुहोस्
साताको लोकप्रीय
