एनपीएल : प्लेअफ पुगेका चार वटै टिमले नगद पुरस्कार पाउने, विजेतालाई १ करोड १० लाख
काठमाडौं : नेपाल प्रिमियर लिग (एनपीएल)को विजेता टिमले १ करोड १० लाख रुपैयाँ प्राप्त गर्ने भएको छ । मंगलबार नेपाल क्रिकेट संघ (क्यान)ले एक विज्ञप्तिमार्फत जारी प्रतियोगितामा प्लेअफमा पुगेका टिमले पाउने पुरस्कारबारे जानकारी गराएको हो ।
क्यानका अनुसार उपविजेताले ५१ लाख रुपैयाँ पाउने छ । तेस्रो हुने टिमले २५ लाख र चौथो हुनेले १५ लाख रुपैयाँ पाउनेछन् ।
एनपीएलको प्लेअफमा जनकपुर बोल्ट्स, सुदुरपश्चिम रोयल्स, कर्णाली याक्स र चितवन राइनोजले स्थान बनाएका छन् । प्रत्येक टिमको कम्तिमा १५ लाख पुरस्कार निश्चित भएको छ ।
लिग गत मंसिर १५ गतेदेखि कीर्तिपुर क्रिकेट मैदानमा जारी छ । फाइनल खेल पुस ६ गते हुनेछ ।
प्रकाशित मिति: मंगलबार, पुस २, २०८१ १५:४४
प्रतिक्रिया दिनुहोस्
साताको लोकप्रीय
