डिपी अर्याललाई रास्वपाको कार्यवाहक सभापतिको जिम्मेवारी
काठमाडौं : डोलप्रसाद (डिपी) अर्याल राष्ट्रिय स्वतन्त्र पार्टी (रास्वपा)को कार्यवाहक सभापति बनेका छन् ।उपसभापति अर्याललाई सोमबार बसेको सचिवालय बैठकले कार्यवाहक सभापतिको जिम्मेवारी तोकेको हो ।
रास्वपाको विधानमा ज्येष्ठ उपसभापति वा पार्टी सभापतिले तोकेको उपसभापति कार्यवाहक सभापति बन्ने व्यवस्था छ । उपसभापति अर्यालभन्दा अर्का उपसभापति स्वर्णिम वाग्ले ज्येष्ठ हुन् । तथापि सभापति लामिछानेले अर्याललाई नै कार्यवाहक तोक्ने सिफारिस गरेका छन् ।
रास्वपा सभापति रवि लामिछानेविरुद्ध आइतबार कास्की जिल्ला अदालतमा सहकारी ठगीलगायत चार कसुरमा मुद्दा दर्ता भएको थियो ।
प्रकाशित मिति: सोमबार, पुस ८, २०८१ १८:००
प्रतिक्रिया दिनुहोस्
साताको लोकप्रीय
