काठमाडौं : नेपाल विद्युत् प्राधिकरणका कार्यकारी निर्देशक कुलमान घिसिङलाई सरकारले हटाउन खोजेको भन्दै विपक्षी दलरूले आपत्ति जनाएका छन् ।
बुधबार प्रतिनिधिसभाको बैठकमा प्राधिकरणका कार्यकारी निर्देशक घिसिङलाई कार्यसम्पादन मूल्यांकनमा शून्य अंक दिएकोबारे पनि विपक्षी दलरूले सरकारसँग जवाफ माग गरे ।
प्रतिनिधिसभाको बैठकमा बोल्दै नेकपा माओवादी केन्द्रका प्रमुख सचेतक हितराज पाण्डे, राष्ट्रिय स्वतन्त्र पार्टी (रास्वपा)का प्रवक्ता मनिष झा र राष्ट्रिय प्रजातन्त्र पार्टी (राप्रपा)का प्रमुख सचेतक ज्ञानेन्द्र शाहीले कुलमानलाई हटाएर सदन र सदन चर्काउने चेतावनी दिए ।
बुधबार प्रतिनिधिसभाको बैठक सुरु भएलगत्तै विपक्षी दलहरूले उठेर विरोध गरेका थिए ।
त्यसपछि सभामुख देवराज घिमिरेले विपक्षी दलहरूको तर्फबाट बोल्न नेकपा माओवादी केन्द्रका प्रमुख सचेतक हितराज पाण्डेलाई समय दिएका थिए ।
सांसद पाण्डेले घिसिङले कार्यसम्पादन मूल्यांकनमा शून्य अंक पाएकोमा जवाफका लागि रुलिङ माग गरे ।
सांसद झाले घिसिङलाई बहाना बनाएर निष्कासनको तयारी गरिएको भन्दै आपत्ति जनाए । एउटा कुलमानलाई लखेटे आफूहरु हजारौं कुलमान लिएर आउने उनले बताए ।
सांसद शाहीले प्राधिकरणका कार्यकारी निर्देशक घिसिङलाई हटाइए त्यसको विरोध हुने बताए ।
विपक्षी दलहरूबाट आवाज उठेपछि सभामुख देवराज घिमिरेले कुलमान घिसिङबारे सदनलाई जानकारी गराउन रुलिङ गरे ।
-1745248612.JPG)
-1745138777.jpeg)
