सुमना श्रेष्ठले दिइन् रास्वपा सहमहामन्त्री पदबाट राजीनामा
काठमाडौं : प्रतिनिधिसभा सदस्य सुमना श्रेष्ठले राष्ट्रिय स्वतन्त्र पार्टी (रास्वपा) को सहमहामन्त्री पदबाट राजीनामा दिएकी छन् ।
प्रतिनिधिसभाको जिम्मेवारीमै रहने भन्दै उनले कार्यवाहक सभापति डिपी अर्याल समक्ष राजीनामा प्रस्ताव गरेकी हुन् ।
पार्टी पुनर्संरचना गर्ने चाहानालाई सहयोग पुर्याउनका लागि दोहोरो भूमिका निर्वाह नगर्ने बरु संसदमै प्रभावकारी भूमिका निर्वाह गर्ने भनेर श्रेष्ठले राजीनामा दिएकी हुन् ।
यसअघि केन्द्रीय समिति बैठकमा रास्वपा सभापति रवि लामिछानेले केन्द्रीय समिति नै पुनर्संरचना गर्ने बताएका थिए । तर श्रेष्ठले त्यसअघि नै आफू पार्टीकोभन्दा पनि संसदीय भूमिकामै बढी केन्द्रित हुन चाहेको बताएकी थिइन् ।
उनको राजीनामा केन्द्रीय समिति बैठकमा छलफलका लागि पेश हुनेछ ।
प्रकाशित मिति: बिहीबार, वैशाख ४, २०८२ ११:३७
प्रतिक्रिया दिनुहोस्
थप राजनीति
साताको लोकप्रीय
