श्रीमतीले वैवाहिक बलात्कारको जाहेरी दिएपछि रवि ओडविरुद्ध पक्राउ पुर्जी जारी
काठमाडौं : गायक रवि ओडविरूद्ध पक्राउ पुर्जी जारी भएको छ । जिल्ला अदालत कञ्चनपुरले गायक ओडविरूद्ध वैवाहिक बलात्कार मुद्दामा पक्राउ पुर्जी जारी गरेको हो ।
आफूमाथि वैवाहिक बलात्कार गरेको भन्दै ओडकी श्रमतीले गत २० गते जाहेरी दिएकी थिइन् । कञ्चनपुरको इलाका प्रहरी कार्यालय झलारीमार्फत उनले ओडविरुद्ध जाहेरी दिएकी हुन् । त्यसपछि अदालतले ओडविरुद्ध पक्राउ पुर्जी जारी गरेको हो ।
नेपाल आइडल सिजन-२ का विजेतासमेत रहेका गायक ओडको घर कृष्णपुर नगरपालिका, गुलरिया हो । तर उनी अहिलेसम्म पक्राउ परेका छैनन् । ओडको खोजीकार्य जारी रहेको प्रहरीले जानकारी दिएको छ ।
प्रकाशित मिति: शुक्रबार, चैत २३, २०८० १२:१७
प्रतिक्रिया दिनुहोस्
थप मनोरञ्जन
साताको लोकप्रीय
