काठमाडौं : चर्चित निर्वाचन क्षेत्र इलाम २ मा भएको उपनिर्वाचनमा नेकपा एमालेमा सुहाङ नेम्वाङ अत्यधिक मतान्तर अगाडि छन् । प्रतिनिधि सभा सदस्यका भएको उपनिर्वाचनमा एमालेका नेम्वाङ नेपाली कांग्रेसका डम्बरबहादुर खड्काभन्दा ३३५७ मतले अगाडि छन् ।

पछिल्लो मतपरिणामअनुसार सुहाङले १० हजार ४१९ मत पाएका छन् भने नेपाली कांग्रेसका डम्बर खड्काले ७ हजार ६२ मतसहित पछ्याइरहेका छन् । स्वतन्त्र उम्मेदवार डकेन्द्र थेगिम ५ हजार ७५३ मतसहित तेस्रो स्थानमा छन् । रास्वपाका उम्मेदवार मिलन लिम्बुले १ हजार ४५१ मत पाएका छन् ।

उक्त निर्वाचन क्षेत्रमा प्रतिनिधि सभा सदस्य सुवास नेम्वाङको निधन भएपछि उपनिर्वाचन भएको हो । नेम्वाङकै छोरा सुहाङलाई एमालले टिकट दिएपछि धेरै चर्चाको विषय बनेको थियो । सुहाङसहित उपनिर्वाचनमा १९ जना उम्मेवार मैदानमा छन् ।