जनकपुर : जनकपुरमा सहकारी संस्थाका एक कर्मचारीको ८० लाख रुपैयाँ लुटिएको छ । 

शुभश्री बचत तथा ऋण सहकारीका कर्मचारी वीरेन्द्रकुमार महतोलाई पेस्तोल देखाएर रकम लुटपाट भएको प्रहरीले जनाएको छ । मोटरसाइकलमा आएका दुई जना हतियारधारीले रकम लुटेको महतोको भनाइ छ ।

महतो बैंकबाट रकम निकालेर सहकारीतर्फ जाँदै गर्दा उक्त घटना भएको प्रहरीको भनाइ छ । रकम लुटपाट गर्नेहरुको खोजीकार्य भइरहको र घटनाबारे थप अनुसन्धान भइरहेको प्रहरीले बताएको छ ।