सुन तस्करी प्रकरणमा मुछिएका दुई जना ९८ लाखसहित पक्राउ
काठमाडौं : प्रहरीले काठमाडौंको दरबारमार्गबाट ९८ लाख रुपैयाँसहित दुई जनालाई पक्राउ गरेको छ । स्रोत नखुलेको ९८ लाख रुपैयाँसहित पक्राउ शुक्रबार बिहान मालीगाउँबाट परेका २ जना यसअघि सुन तस्करीमा संलग्न भएको खुलेको छ ।
काठमाडौं उपत्यका अपराध अनुसन्धान कार्यालयले २८ वर्षीय समीर सुनार र २९ वर्षीय मिलन विकलाई पक्राउ गरेर सार्वजनिक गरेको छ । मिलन दोलखामा फेला परेको ११ किलो सुन प्रकरणमा मुछिएका व्यक्ति हुन् । उनको मुद्दा सम्पत्ति शुद्धीकरण विभागमा मुद्दा चलिरहेको छ । दुवै जनालाई सम्पत्ति शुद्धीकरणमा मुद्दा चलाउने प्रहरीले जनाएको छ ।
काठमाडौं उपत्यका अपराध अनुसन्धान कार्यालयका सूचना अधिकारी प्रहरी उपरीक्षक रवीन्द्र रेग्मीका अनुसार उनीहरुलाई बा १३ च ४८५८ नम्बरको गाडीमा स्रोत नखुलेको रकमसहित पक्राउ गरिएको थियो ।
प्रकाशित मिति: शुक्रबार, वैशाख २८, २०८१ १२:३१
प्रतिक्रिया दिनुहोस्
थप विशेष
-1722404980.jpg)
साताको लोकप्रीय
