विपक्षी दलहरुको नाराबाजीबीच प्रधानमन्त्री प्रचण्डले मागे विश्वासको मत
काठमाडौं : प्रमुख प्रतिपक्षी दल नेपालकी कांग्रेससहित विपक्षी दलहरुको नाराबाजीबीच प्रधानमन्त्री पुष्पकमल दाहाल 'प्रचण्ड'ले प्रतिनिधि सभा बैठकमा विश्वासको मत मागेका छन् ।
सोमबार बसेको प्रतिनिधि सभाको दोस्रो बैठकमा प्रधानमन्त्री प्रचण्डले कांग्रेससहित विपक्षी दलका सांसदहरुको नाराबाजीबीच विश्वासको मत मागेका हुन् । यसअघि सोमबार नै बसेको बैठकमा कांग्रेसले अवरोध गरेपछि संसद बैठक १५ मिनेटका लागि स्थगित गरिएको थियो ।
सहकारी अनियमितता प्रकरणमा गृहमन्त्री रवि लामिछानेमाथि छानबिनका लागि संसदीय समिति गठन गर्न माग गर्दै कांग्रेसले लगातार संसद बैठक अवरुद्ध गर्दै आएको छ ।
प्रकाशित मिति: सोमबार, जेठ ७, २०८१ १२:२३
प्रतिक्रिया दिनुहोस्
साताको लोकप्रीय
-1745138777.jpeg)
